Диссаг мæм фæкæсы, исчи афтæ куы фæзæгъы, районы газет мæ ницæмæн хъæуы, зæгъгæ, уæд. Ау, уый та куыд? Дæ райгуырæн хъæуы, нæ районы цытæ цæуы, уый хъуамæ куыд нæ зонæм? Цас æхсызгон уыдис, æртыккæгæм астæуккаг скъолайы бынаты ног уæладзыг бæстыхай аразынц, зæгъгæ, уыцы хабар ба-кæсын. Кæнæ спортивон-дзæбæхгæнæн комплекс кæй фæцæттæ кæны, уый.Мæхи куы зонын, уæдæй абонмæ нæ хæдзары хи бинойнагау уыдис «Размæ» («Кировон», «Ленинон  тырыса»).  Нæ  фыд  нын-иу  лæмбынæг  бакаст  æппæт  уацхъуыдтæ, Едзойтæм куы æрцыдтæн, уæд ам дæр æрæййæфтон уыцы фæтк. Ныр æнусы æмбис хæлд нæ цæуы.Рафыстон та нæ районы хабархæссæг 2018 азы фыццаг æмбисæн. Кæд æй постхæссæг къуылымпытимæ сæмбæлын кæны, уæддæр та йæм æнхъæлмæ кæсдзыстæм къуыри æртæ хатты.

---

ЕДЗОЙТЫ-МИЛДЗЫХТЫ Зоя, фæллойы ветеран, Елхот.